منتدى رجال كلية الدعوة الاسلامية
اهلا بك فى منتداك ( رجال كلية الدعوة الاسلامية )


انضم إلى المنتدى ، فالأمر سريع وسهل

منتدى رجال كلية الدعوة الاسلامية
اهلا بك فى منتداك ( رجال كلية الدعوة الاسلامية )
منتدى رجال كلية الدعوة الاسلامية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

احذر الجلوس مع جدتك يوم الامتحان

اذهب الى الأسفل

احذر الجلوس مع جدتك يوم الامتحان Empty احذر الجلوس مع جدتك يوم الامتحان

مُساهمة  Admin الجمعة 22 أبريل 2011, 8:06 pm

أذان الظهر ..

يارب .. يارب تنجح يا ياابن ابني وأشوفك دكتور أدالدنيا -

ياستي بس انا في تجارة -

وماله يابني هويكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك ... وانا أخلي جدك يخدك معاه الوكالة-

جدي إيه اللي هايخدني معاه ...... ده جدي مات من زمان يا ستي -

يا مصيبتي عبدالواحد مات .. ياحبيبي يا أخويا .. مكنش يومك -

ياستي ده ميت من ثلاثين سنة -

ثلاثين سنة .. ده العمربيجري ياولاد تصدق ولا حسيت بيهم .... ياللا اهو غار في داهية ..... قطع وقطعت سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايزأذاكر بقي -

يوووه ... واناماسكاك
ياوله .. ذاكر ... ذاكرعشان ربنا يكرمك
وتنجح وتاخدالدبلون -

ياستي دبلون ايه .. أسمه البكالوريوس -

أنته هتضحك عليا ياوله .. أسمه الدبلون الواد ابن جارتنا جدع زيك كده في مدرسة التجارةوخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك البنت عبير ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من ورانا

لا اله الا الله ...... أبوس ايدك ياستي إرحميني بقه

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أتجوزها علي إيه .. حكم .. قال لبس البوصة تبقي عروسة .. بس والله لأكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدينأنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حراااااااااااااااااااااااااااااااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهوزمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوا ياستي -



الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها


ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين؟؟
انا ليييييييه؟؟
انا ازاااي؟؟
bounce
Admin
Admin
Admin

المساهمات : 50
تاريخ التسجيل : 01/12/2010

https://d3wa.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى